Vilagarcía foi a estación termo do primeiro ferrocarril de Galicia (1873), que unía Santiago de Compostela co seu “porto natural”. Hoxe, aquela vella estación converteuse en museo para lembrarnos a todos a importancia dos camiños de ferro. Nese traxecto cara ao pasado estaremos acompañados de maquetas, paneis, proxeccións e ata xogos interactivos. Por suposto, non faltan as reproducións de trens a distintas escalas. O museo conta co recoñecemento de calidade turística SICTED (Sistema Integral de Calidade Turística en Destino), que acredita unha aposta clara pola calidade e mellora continua da experiencia turística.
