Este restaurante familiar de corte tradicional posúe unha variada carta de peixes e mariscos de primeira calidade. A súa longa traxectoria radica nun bo produto con elaboración sinxela, xunto co seu servizo discreto e amable. Conta cunha agradable terraza na Alameda de Vilagarcía.
Un singular edificio de madeira, construído sobre pilotes na dársena do porto deportivo, acolle este bar e restaurante decorado ao máis puro estilo náutico. A súa terraza é un fantástico miradoiro sobre a ría. Ofrece unha ampla e variada carta baseada na cociña tradicional galega, ademais de menú do día.
Local situado en plena zona peonil cunha traxectoria de 30 anos. Utiliza produtos de primeira calidade, coidando o proceso de elaboración, que se realiza de forma artesanal e en obradoiro propio. Destacan entre os seus produtos o pan, os bolos, os pasteis e os bombóns, todo artesán.
Este establecemento de ambiente tranquilo e relaxado, de decoración vintage europea, está especializado en almorzos de autor e en bebidas naturais e frescas.
Con terraza na praza de Galicia, a principal da cidade, este establecemento ofrece unha variada selección de produtos doces e salgados para degustar acompañados dun bo café, tanto de mañá como de tarde.
Este pequeno establecemento elabora os seus propios xeados de estilo italiano con produtos naturais e leite fresco. Ofrece unha ampla e orixinal variedade de gofres, crepes e cookies artesanais, e igualmente vasos de nata aos que é posible engadirlle froitas frescas, froitos secos, xeados, compotas, nutella, nata ou chocolate quente. No verán poden gozarse todas as súas especialidades na súa cómoda terraza.
Os tradicionais produtos da pastelería-panadería Alonso, na nosa cidade desde 1947, poden ser agora degustados nesta cafetería especializada en almorzos, situada en plena rúa peonil da Baldosa.
Situado no núcleo social e comercial da vila, con terraza en dúas das rúas peonís. Trátase dun establecemento de decoración retroindustrial, moderno e de detalles moi coidados. Están especializados en cafés e vermús.
Establecemento de ambiente casual e confortable, nunha rúa peonil e tranquila no centro de Vilagarcía, cunha coidada decoración. Ofrece almorzos elaborados con produtos naturais e frescos como os happy bowls, a tosta de sandía, crepes con iogur e froitas. Cócteles a calquera hora do día, con ou sen alcol. Tamén é moi popular o seu limoada de amorodos.
