Rutas

Vivirla para conocerla, visitar

Calquera época é boa para coñecer Vilagarcía. Sexa verán ou inverno, primavera ou outono, sempre a verá en cor. Co azul das rutas marítimas e marisqueiras; co verde das rutas de sendeirismo, a pé ou en bicicleta; co reflexo dourado do granito de pazos e igrexas; coa pátina que ofrecen os petróglifos ou as escavacións dos castros; cos ocres, verdes e vermellos que adornan as viñas segundo a estación; coa infinidade de cores e aromas que locen os parques e xardíns en calquera momento. Vilagarcía é mar pero tamén campo e monte. Imos de ruta?              

Ruta Illa de Cortegada

/
Pertencente ao Parque Nacional das Illas Atlánticas desde 2002, o espazo natural de Cortegada ten unha superficie de case 42 hectáreas, das cales 39 corresponden á illa propiamente dita e o resto aos illotes de Malveiras, Briñas e Con.

Rutas pola Ría

/ /
Ofrecen experiencias personalizadas e rutas únicas a bordo de pequenas embarcacións a motor, vela, motos de auga ou kaiaks.

Rutas en Galeón

/
Gozar dun paseo nun antigo galeón a vela pola ría de Arousa, e máis concretamente pola contorna da Illa de Cortegada, é posible grazas á colaboración entre a Concellería de Medio Ambiente e a asociación Rompetimóns.

Rutas de pesca

/ / /
A empresa Alvamar ofrece catro diferentes propostas para coñecer outros tantos sistemas produtivos de pesca e marisqueo, mesmo coa posibilidade da súa degustación.

Ruta marisqueira

/
A asociación de mariscadoras Amarcarril puxo en marcha unha ruta na que o visitante coñece de primeira man e a pé de viveiro en que consiste o marisqueo.

Rutas Submariñas

/ /
Mergullarse ata o fondo, no sentido literal da palabra, descubrindo ata o último secreto da vida mariña e restos de barcos afundidos en Arousa é posible en Vilagarcía.

Ruta Vía Verde

/ / /
Esta senda peonil e cicloturística aúna paisaxe, cultura e historia ao longo do seu percorrido, de algo máis de 9 km.

Rutas de sendeirismo

/ /
A riqueza natural e paisaxística do municipio de Vilagarcía de Arousa ben merece un achegamento a pé. Paisaxe privilexiada: o río e a ría, o mar e o val.

Rutas a cabalo

/ /
Coñecer a Vilagarcía máis rural dunha forma relaxada e tranquila é posible grazas ás rutas dacabalo que discorren polos camiños e carreiros habilitados polas zonas de bosque.

Ruta Histórico-Turística

/ /
Este itinerario circular e autoguiado percorre a Vilagarcía máis esencial nun paseo curto e entretido a través de 11 paradas imprescindibles perfectamente sinalizadas, que nos permiten descubrir o conxunto urbano do municipio.

Ruta Castro Alobre

/ /
A un paso do centro urbano, ao pé da ría e do río, e xunto a un pazo do século XVI e unha igrexa e convento do XVII, o Castro de Alobre convida a facer unha fantástica viaxe a través do tempo: desde a cultura castrexa ao Medievo, pasando pola romanización.

Ruta dos Cruceiros

/ /
Este itinerario autoguiado permítenos adentrarnos na Vilagarcía menos coñecida, a través de 47 obras de arte talladas en pedra diseminadas polas zonas máis rurais do municipio.

Ruta Pazo Rubiáns

/
Rubiáns ostenta a distinción de “Xardín de excelencia Internacional da Camelia”. O pazo é visitable durante todo o ano previa reserva. Pode facerse de forma libre ou guiada.

Ruta Tren Turístico

/ /
Realiza un percorrido guiado polos espazos máis emblemáticos do centro de Vilagarcía. As súas prazas, rúas, parques, igrexas e pazos máis urbanos achégannos á historia da vila.

Ruta Destapa Vilagarcía

/ / /
Que mellor escusa que perderse polas rúas da vila seguindo o itinerario trazado polos bares que participan nesta ruta gastronómica que se celebra dúas veces ao ano.

Ruta do viño

/ / /
Permite ao turista visitar varias adegas da comarca de moi diverso carácter: familiares, cooperativas, urbanas, históricas, artesanais... En todas elas poderá degustar o viño, tamén as súas augardentes.

Ruta do Pai Sarmiento

/ /
Esta ruta recrea o camiño que realizou Frei Martín Sarmiento en 1745 para gañar o xubileu. Un carreiro de algo máis de 170 quilómetros que percorre toda costa sur da ría de Arousa, penétrase no río Ulla e desde Padrón encamíñase cara a Santiago de Compostela.

Ruta Fluvial Xacobea

/ / /
O corpo do Apóstolo Santiago foi traído desde Jaffa (Palestina) ata Iria Flavia, preto de Padrón, desde onde foi conducido a Compostela. A ruta marítima-fluvial xacobea conmemora, precisamente, esta lenda.
X